VOV4.Êđê-  Khua knŭk kna mrâo maoa leh mmông ngă bruă hŏng knuă druh knơ̆ng, phung truăn kơ bruă, jing phung kreh knhâo Sang hră ksiêm hriăm kơ bruă lŏ hma Việt Nam. Hâo mdah ti anôk mă bruă anăn, hlăm dŭm thŭn êgao, Sang hră ksiêm hriăm mâo mjuăt bi hriăm leh kơ lăn čar lehanăn kơ dŭm ala čar riêng gah êbeh 120 êbâo čô kỹ sư, lehanăn knuă druh kiă kriê mâo hnơ̆ng thâo gưl dlông, êbeh 10 êbâo čô thạc sĩ lehanăn êbeh 600 čô nai prĭn. Dưi yap anei jing anôk mjuăt bi hriăm yuôm bhăn kơ bruă lŏ hma.

Blŭ hrăm ti anôk mă bruă, Khua knŭk kna Phạm Minh Chính mñă, sang hră ksiêm hriăm lŏ dơ̆ng hlue ngă dŭm hdra mtrŭn gưl dlông 5 kơ bruă lŏ hma, krĭng ƀuôn sang, phung ngă lŏ hma, kơ klei duh mkra êpul lu, lehanăn klei kơ lăn ala mbt hŏng dŭm hdră mtrŭn klei mlih mrâo, kluôm ênŭm hlăm bruă mjuăt bi hriăm. Khua knŭk kna mtă, sang hră ksiêm hriăm năng lŏ păn kjăp hdră êlan mơ̆ng Đảng, knŭk kna kơ klei mđĭ kyar bruă lŏ hma, phung ngă lŏ hma, krĭng ƀuôn sang čiăng ngă bi tŭ jing hĭn bruă mjuăt bi hriăm mnuih ngă bruă truăn kơ bruă lŏ hma, lehanăn krĭng ƀuôn sang./.

Pô mblang: Y-Khem Niê