Ti anôk anăn, Khua kiă kriê U Uôn Sích lač bruă kƀĭn ala Dhŭng Korea srăng hgŭm kjăp hŏng anôk bruă kƀĭn ala Việt Nam đru kơ knŭk kna dua ala čar ngă tŭ jing bruă bi hgŭm duh mkra, bi mrâo klei bi mguôp, mđĭ kyarr mnuih ngă bruă.

Dua nah bi myuôm klei bi mguôp dua ala čar Việt Nam-Dhŭng Korea hlăk mâo klei đĭ kyar jăk, hŏng dŭm boh tŭ dưn hlăm klei duh mkra mnia mblei, klei duh bi liê, klei bi mguôp mnuih ƀuôn sang, lehanăn mđĭ hĭn klei thâo bi hgŭm bruă kƀĭn ala dua ala čar hlăm wưng tinăp. Khua knŭk kna Phạm Minh Chính čang hmăng kơ bruă kƀĭn ala dua ala čar bi mguôp kjăp hĭn dua nah lehanăn bi hgŭm lu tĭng, sa ai hŏng dŭm hdră êlan bi đru phung duh mkra Việt Nam bi mguôp kjăp hĭn hŏng djăp mta bruă hŏng phung duh mkra Dhŭng Korea./.