Khua knŭk kna Phạm Minh Chính mâo leh klei čuă êmuh, lehanăn mơĭt asăp hơêč hmưi klei suaih pral mơ̆ng khgua gĭt gai Tô Lâm truh hŏng Mtao lehanăn mô̆ mtao Thái Lan; hơêč hmưi kơ aduôn Paetongtarn Shinawatra mâo leh sang mtao tŭ ư ruah mdưm jing khua knŭk kna Thái Lan; đăo knang kơ knŭk kna Thái Lan lehanăn mnuih ƀuôn sang Thái Lan srăng lŏ dơ̆ng mâo ba wĭt lu boh tŭ dưn jăk hlăm bruă mkŏ mjing lehanăn mđĭ kyar lăn čar.

Khua knŭk kna Phạm Minh Chính lač, jih jang hdră êlan hŏng tač êngao sa anăn mơ̆ng Việt Nam, yap yuôm lehanăn mpŭ kơ klei bi mguôp Việt Nam – Thái Lan mđĭ kyar knơư̆ hrue knư̆ kjăp ktang hĭn.  Dua čô khua knŭk kna bi myuôm djăp mta boh tŭ dưn klei bi mguôp mơ̆ng dua nah, leh mâo čhuang nao hlăm klei bi hgŭm kluôm dhuôm hĭn./.