Khua mil čhil Vladimir Putin lač, Klei khua knŭk kna Phạm Minh Chính nao čhưn anăn mâo klei yuôm bhăn snăk lŏ bi kjăp klei bi hgŭm dua nah, dua nah bi hâo mdah boh klei mơ̆ng mdê bi ala čar, lehanăn mâo hdră kơ klei bi hgŭm duh mkra ala ƀuôn mơ̆ng grăp ala čar. Wưng leh êgao, hŏng klei gĭr mơ̆ng knŭk kna dua ala čar, dŭm phŭn dhar bruă , alŭ wăl djŏ tuôm, klei bi hgŭm lu mta plah wah Việt Nam – Russia hlăk mâo klei đĭ kyar jăk siam.

Khua knŭk kna Phạm Minh Chính lehanăn Khua mil čhil Vladimir Putin mâo leh klei bi trông klă ênŭm kơ dŭm boh tŭ kơ dua ala čar, kñăm hlăm bruă knơ̆ng klei hgŭm dua nah wưng tinăp, mtrŭn agha kjăp hĭn klei bi hgŭm kluôm dhuôm  Việt Nam – Russia, yap anei jing hdră êlan tal êlâo kơ klei bi mguôp kjăp dua ala čar./.