Bi mni kơ klei gĭr, bruă klam, bruă mprăp mơ̆ng Phŭn bruă ngăn prăk, klei blŭ mguôp, djŏ klă hlăm klei bi kƀĭn, Khua knŭk kna bi mklă klei gĭr ruh mgaih klei gun kpăk hlăm hră mơar hdră bhiăn; mtă kơ Phŭn bruă ngăn prăk mđing pioh hruê mmông, klei găl, mbha khua gĭt gai Phŭn bruă klam bruă leh anăn dăp phung knuă druh djăp klei găl, bruă klam kơ bruă anei.

Kơ hnơ̆ng mkra mlih, mbŏ, Khua knŭk kna bi tŭ ư kčĕ mơ̆ng Phŭn bruă ngăn prăk kơ klei mkŏ mjing sa hdră bhiăn čiăng mbŏ 7 hdră bhiăn hlăm bruă ngăn prăk, brei lŏ dơ̆ng ktuê dlăng čiăng msir mgaih klei gun kpăk mjêč, mơ̆ng anăn đru ruh mgaih klei dleh dlan hlăm bruă mkra mjing mnia blei, mđĭ bruă duh mkra, iêô mkrum leh anăn yua tŭ dưn djăp klei găl kơ klei mđĭ kyar, hlue ngă tŭ dưi hdră kñăm, bruă klam Klei bi kƀĭn 13 Đảng kčah leh.