Bi trông êlam kơ jih bruă ti ala tač êngao lehanăn hlăm alŭ wăl. Phung khua kiă kiê dŭm ala čar lŏ dơ̆ng bi klă hdră êlan mơ̆ng ASEAN, mđing tal êlâo kơ klei êđăp ênang, hơĭt kjăp hlăm wăl êa ksĭ Ngŏ, ngă bi pral lehanăn tŭ jing klei bi mklă DOC lehanăn truh kơ klei bhhiăn bi mjĕ êrô COC djŏ hŏng klei bhiăn tar rŏng lăn lehanăn UNCLOS 1982; sa ai hŏng bruă klam mơ̆ng ASEAN hlăm klei đru kơ Myanmar, mtrŭ ngă bi tŭ jing klei leh bi tŭ ư kơ 5 mta, lehanăn kơ jih jang klei dôk mđing klei bi blah Russia-Ucraina, mñă bi djŏ hŏng klei bhiăn Êpul hgŭm lu ala čar.

Khua knŭk kna Phạm Minh Chính lač, leh êgao 50 thŭn mkŏ mjing lehanăn đĭ kyar ka tuôm mâo ôh wưng ASEAN dôk hlăm găl hĭn êdi, lehanăn ăt tuôm hŏng lu klei lông dlăng hĭn mơh msĕ si ară anei. ASEAN jing leh anôk phŭn kơ djăp mta klei bi mguôp ti alŭ wăl, lehanăn jing anôk bi lông prŏng êdi plah wah dŭm ala čar prŏng./.