Khua knŭk kna Phạm Minh Chính bi trông hŏng Khua knŭk kna Cộng hòa Belarus
Thứ bảy, 07:42, 09/12/2023
VOV Tây Nguyên
VOV Tây Nguyên
VOV4.Êđê - Aguah mbrue (8/12), ti Hà Nội, Khua knŭk kna Phạm Minh Chính nao hlăm Knăm drông leh anăn bi trông hŏng Khua knŭk kna Cộng hòa Belarus Roman Golovchenko hriê čhưn ti Việt Nam mơ̆ng hruê 6-9/12/2023 hlu si asăp jak iêô mơ̆ng Khua knŭk kna Phạm Minh Chính.
Knăm drông Khua knŭk kna Belarus dưi mkŏ mjing kdrưh kơăm ti Anôk bruă Khua lăn čar. Leh knăm drông, dua Khua knŭk kna ngă klei bi trông kơ klei bi hgŭm dua nah leh anăn dlăng knăm bi siñê hră mơar bi hgŭm. Gưl nao čhưn mơ̆ng Khua knŭk kna Belarus srăng mjing boh kdrŭt mrâo kơ bruă mđĭ klei bi hgŭm plah wah dua ala čar Việt Nam-Belarus.
Hlăm jar gưl nao čhưn tal anei, khua gĭt gai dua ala čar srăng ktuê dlăng hdră bi hgŭm leh anăn bi trông duah knhuang nao klă klơ̆ng kñăm mđĭ klei bi hgŭm hlăm wưng kơ anăp.
Viết bình luận