Hlăm klei bi trông, Khua knŭk kna Phạm Minh Chính bi mklă Việt Nam dlăng myuôm leh anăn čang hmăng mđĭ klei bi hgŭm hŏng Hungary, ƀĭng hgŭm kluôm tal êlâo mơ̆ng Việt Nam ti Krah Ngŏ Ơ Rôp. Dua Khua knŭk kna bi trông êlam kơ dŭm hdră tă prŏng leh anăn dŭm hdră msir klă klơ̆ng kñăm mđĭ klei bi hgŭm kluôm Việt Nam-Hungary đĭ sa hnơ̆ng mrâo.

Bi trông kơ dŭm bruă krĭng wăl leh anăn lu ala čar mđing, dua Khua knŭk kna bi mklă klei nao ai msir mgaih klei bi ktưn hŏng hdră êđăp ênang, djŏ guôp hŏng hdră bhiăn lu ala čar leh anăn Hdră bhiăn Êpul hgŭm lu ala čar, hlăm anăn mâo bruă amâo yua phao ktuang amâodah arưp aram yua phao ktuang, rơ̆ng klei êđăp ênang, hơĭt kjăp leh anăn mđĭ kyar ti krĭng wăl leh anăn dlông rŏng lăn./.