Dua tĭng bi trông, tŭ ư kơ dŭm hdră ruh mtlaih klei dleh dlan, mtrŭt mđĭ hdră bi hgŭm kluôm, mđing truh bruă mkra mđĭ klei bi mjĕ Việt Nam – Russia hluê hdră klă sĭt, tŭ dưn, hơĭt kjăp, kyua klei tŭ dưn kơ mnuih ƀuôn sang dua ala čar lehanăn klei êđăp ênang, hơĭt kjăp ti krĭng, tar rŏng lăn. Dua khua knŭk kna mñă klei gĭr bi hgŭm bruă duh mkra, mnia mblei, duh bi liê jing bruă phŭn, pŏk ngă tŭ dưn Klei kuôl kă mnia mblei êngiê plah wah Việt Nam lehanăn Êpul hgŭm Asi – Ơrôp, pŏk mlar wăl anôk čhĭ mnơ̆ng, mtrŭt mđĭ hdră duh bi liê dua nah. Mbĭt anăn, dua tĭng tŭ ư ksiêm dlăng bruă pŏk mlar hdră bi hgŭm bruă pui kmlă, êa pui êwa čuh mrâo.

Năng mđing, dua khua kiă kriê bi mni bruă siñê Klei kuôl kă bi hgŭm bruă mkŏ mkra Sang maĭ pui kmlă hạt nhân ti Việt Nam, pŏk hdră bi hgŭm phŭn mơ̆ng dua ala čar./.