Ti knăm anei, Khua knŭk kna Phạm Minh Chính mñă klă, Knŭk kna Việt Nam srăng bi hgŭm kjăp hŏng knŭk kna Singapore ba klei bi mjĕ ƀĭng hgŭm phŭn plah wah dua ala čar truh ti hnơ̆ng đĭ kyar kjăp hĭn, êlam hĭn, klă sĭt, tŭ dưn, năng jing gru mngač êdah êdi hlăm klei bi mjĕ hlăm ASEAN lehanăn jing gru hmô mtrŭt mđĭ dŭm klei bhiăn bi hgŭm mkăn hlăm êpul.

Khua knŭk kna Singapore mñă srăng mđĭ hdră bi trông êpul, bi tuôm gưl dlông lehanăn dŭm gưl msĕ si klei bhiăn bi hgŭm dua nah, bi tuôm klei bi tuôm grăp thŭn plah wah Khua knŭk kna dua ala čar čiăng mđĭ hĭn klei bi mjĕ lehanăn đăo knang hlăm bruă kđi čar. Kơ bruă hlăm krĭng wăl, dua ala čar tŭ ư mđĭ klei bi hgŭm hlăm ASEAN, sa ai hŏng Lao păn ngă Khua kiă kriê ASEAN 2024, mđing kơ hdră mđĭ kyar dŭm krĭng, hlăm anăn mâo krĭng krông Mê Công, mŏng anăn đru mguôp kơ sa ASEAN jhŏng ktang, đĭ kyar kjăp, mđĭ lar bruă klam mơ̆ng krĭng wăl./.