Bi êdah klei mđing uêñ dŭm klei hmăi mơ̆ng klei bi blah hŏng bruă êa pui êwačuh, dua čô khua kiă kriê tŭ ư mđĭ hdră bi hgŭm hlăm bruă êa pui êwa čuh. Hluê ai tiê dlăng myuôm klei bi mjĕ hŏng Việt Nam, Khua mil čhil UAE brei thâo, srăng đru klei čiăng kơ êa pui êwa čuh ti anăp lehanăn sui thŭn mơ̆ng Việt Nam.

Hlăm hdră bi trông, dua khua kiă kriê bi trông leh kơ dŭm hdră msir mtrŭt mđĭ klei bi mjĕ dua nah, boh nik dŭm bruă djŏ guôp hŏng klei mđing dlăng lehanăn klei găl mơ̆ng dua tĭng msĕ si mtrŭt mđĭ dŭm hdră duh bi liê phŭn hlăm kdrăp mrâo, logistic, hnưm bi sĭt mta kñăm bruă mnia mblei 10 êklai USD hlăm wưng hnưm hĭn./.