Blŭ bi mni kơ phung khua kiă kriê 19 Êpul grŭp prŏng China hlăm klei mđĭ kyar mtah, klei duh mkra mrô, lehanăn phung nao ti anôk trông čhai anăn, khua knŭk kna Phạm Minh Chính lač Đảng, knŭk kna Việt Nam bi myuôm klei bi mguôp hŏng China jing hdră êlan yuôm bhăn.

Bi êdah klei bi trông anei jing knhuang tal êlâo čiăng bi sĭt klei khua kiă kriê dua nah bi tŭ ư leh kơ hdră êlan bi hgŭm kluôm dhuôm Việt Nam – China, đru bi rŭ mdơ̆ng yang ƀuôn kơ êdei anăp hlăm klei bi mguôp klă mngač hĭn, Khua knŭk kna čang hmăng phung duh mkra China mđrăm mbĭt hŏng dŭm phŭn dhar bruă Việt Nam mâo klei trông čhai klă mngač, bi êdah dŭm hdră êlan jăk, mjing kmeh gơ̆ng hlăm klei hgŭm mbĭt duh mkra mnia mblei, duh bi liê kjăp hĭn./.