Khua knŭk kna Phạm Minh Chính bi trông jhưng wĭl hŏng phung khua kiă kriê dŭm êpul grŭp prŏng mơ̆ng Dhŭng Korea
Thứ ba, 08:14, 02/07/2024
VOV Tây Nguyên
VOV Tây Nguyên
VOV4.Êđê- Aguah mbrue 1/7, ti ƀuôn prŏng phŭn Seoul, Khua knŭk kna Phạm Minh Chính mâo leh klei bi trông jhưng wĭl hŏng giăm 20 êpul grŭp prŏng ti Dhŭng Korea.
Klah čŭn klei blŭ hrăm ti anôk bi trông, khua knŭk kna Phạm Minh Chính mñă klei bhi mguôp dyua ala čar ka tuôm mâo ôh klei jăk găl hĭn msĕ si ară anei. Lu bruă bi hgŭm dua nah mâo pŏk ngă. Bi myuôm klei bi trông, khua knŭk kna mñăčang hmăng mâo nanao klei bi hgŭm kjăp hĭn, phung duh mkra Dhŭng Korea pŏk phai bruă hgŭm hŏng Việt Nam.
Khua knŭk kna bi mni, lehanăn lač jăk, čang hmăng kơ dŭm êpul grŭp prŏng mơ̆ng Dhŭng Korea pŏk phai lu hĭn bruă knuă mă mbĭt hŏng Việt Nam, mđrăm mbĭt "čhuang nao hlăm klei bi hgŭm mrâo”, anăp truh kơ mta kñăm mâo ba wĭt klei duh mkra mnia mblei dua nah truh 100 êklai USD hlăm thŭn 2025 lehanăn 150 êklai USD hlăm thŭn 2030.
Viết bình luận