Klei bi tuôm anei jing mmông găl kơ knŭk kna, dŭm phŭn dhar bruă mđing hmư̆ klei blŭ mơ̆ng phung duh mkra, mdưm pô hlăm bruă duh mkra pioh ruh mgaih klei dleh dlan, mtrŭt klei duh mkra dưi ngă bruă jăk, čiăng kơ grăp dhar bruă, grăp gưl grăp čô mnuih mâo klei thâo bi mguôp, tui si klei găl, klei dưi kñăm đru bi ruh mtlaih jih klei dleh dlan. Khua knŭk kna lač, Đảng, knŭk kna lehanăn mnuih ƀuôn sang dôk jưh knang kơ phung duh mkra Việt Nam srăng mđrăm mbĭt mđĭ kyar lăn čar, sa ai tiê bi leh bruă čuăn rŭ mdơ̆ng lehanăn răng mgang lăn čar.

Bi ala kơ knŭk kna, Khua knŭk kna mâo klei bi mni lehanăn lač jăk kơ dŭm boh tŭ dưn phung duh mkr aknŭk kna mâo leh, đru mguôp hlăm boh tŭ dưn mbĭt hŏng lăn čar. Khua knŭk kna mtă kơ phung bi ala mđing đru phung duh mkra knŭk kna mâo klei găl mđĭ kyar bruă knuă, dưn yua jih klei găl lehanăn mghaih msir klei dleh dlan ară anei, mâo dŭm hdră pa mă klei găl jăk hĭn, čiăng kơ phung duh mkra knŭk kna ba êlan êlâo nanao duh mkra mnia mblei djŏ hdră, ba klei mđĭ ai hŏng phung duh mkra bi mđĭ kyar ktang hĭn ba wĭt boh tŭ dưn mrâo./.