Hlăm mmông bi tuôm, phung bi ala dŭm êpul êya Romania lač klă hŏng Khua knŭk kna Phạm Minh Chính kơ dŭm mta bruă êpul, boh nik jing mđĭ hĭn klei mjĕ mjuk mnuih ƀuôn sang, hluê anăn đru mguôp hlăm bruă mđĭ hĭn klei mjĕ giăm dua lăn čar.

Phung mah jiăng Rumania bi êdah hŏng Khua knŭk kna Phạm Minh Chính klei kruăk knăl kơ klei đĭ kyar ktang mơ̆ng Việt Nam hlăm djăp mta bruă hlăm wưng êgao, ba mdah đa đa hdră êlan bi mguôp hlăm wưng kơ anăp, hlăm anăn mâo klei ksiêm duah, tui duah klei găl ngă bruă plah wah dua lăn čar. blŭ hrăm tinăn, Khua knŭk kna Phạm Minh Chính mñă kơ phung mah jiăng Romani lŏ dơ̆ng mtrŭt mjhar mnuih ƀuôn sang sa ai hŏng Việt Nam, mđĭ hĭn klei bi mguôp, mă bruă hŏng Việt Nam. Khua knŭk kna đăo knang, hlăm wưng kơ anăp, klei mjĕ giăm dua lăn čar srăng kjăp leh anăn tŭ dưn hĭn.