Hlăm mmông mă bruă, Khua knŭk kna hmư̆ khua gĭt gai Êpul grŭp Adamni hưn mdah kơ êpul grŭp leh anăn bi trông kơ dŭm hdră êlan duh bi liê mơ̆ng Adani kơ Việt Nam leh anăn klei găl bi mguôp hlăm mgi dih jing kdrŭn ksĭ Liên Chiểu Đà Nẵng, tač êdeh phiơr Chu Lai, sang măi bi êran pui kmlă Vĩnh Tân 3…Adamni hmăng hmưi Việt Nam mkŏ mjing klei găl, ruah mgaih klei dleh dlan kơ bruă ngă hră mơar kơ dŭm hdră anei.

Blŭ hrăm tinei, Khua knŭk kna Phạm Minh Chính bi mni kơ boh tŭ deưn klei mnia mblei leh anăn hdră tă mơ̆ng Êpul grŭ Adani hlăm wưng leh êgao.  Bi myuôm klei bi mguôp, duh bi liê mơ̆ng Êpul grŭp ti Việt Nam leh anăn hmăng hmưi đĭ kyar, pŏk mlar hlăm wưng kơ anăp. Khua knŭk kna mñă klă, Việt Nam bi mni kơ êpul grŭp duh bi liê hlăm dŭm mta bruă Việt Nam mđing êdi, jing bruă pui kmlă, êlan klông, logistic. Khua knŭk kna mñă kơ Khua kiă kriê êpul grŭp srăng ngă leh anăn bi trông klă nik čiăng klă kơ hlei pô, ya bruă, klă mnơ̆ng dhơ̆ng, klă bruă klam leh anăn ƀuăn drăng ngă ênŭm čiăng mtrŭt mđĭ dŭm hdră.