Bi ala kơ khua gĭt gai Đảng, Knŭk kna, Khua knŭk kna bi mni kơ klei gĭr, klei đru mguôp yuôm bhăn mơ̆ng êpul êya mnuih Việt Nam ti ala tač êngao, hlăm anăn mâo êpul êya mnuih Việt Nam ti India hlăm dŭm boh tŭ mơ̆ng lăn čar hlăm wưng êgao. Khua knŭk kna bi mklă Đảng, Knŭk kna mđing nanao, dlăng êpul êya mnuih Việt Nam ti ala tač êngao jing sa kdrêč amâo dưi bi ktlah ôh mơ̆ng êpul êya dŭm djuê ana Việt Nam, mâo klei bhiăn, hdră êlan mjing klei găl kơ mnuih ƀuôn sang, hdĭp mda, hriăm hră leh anăn đru mguôp kơ lăn čar.