Ti anôk bi tuôm anei, khua knŭk kna Phạm Minh Chính mơak ƀuh klei đĭ kyar ktang lehanăn kluôm ênŭm hlăm klei bi mguôp hgŭm mbĭt Việt Nam - Japon. Mơ̆ng anăn, Japon jing leh pô hgŭm tal êlâo kơ ODA, dôk tal dua klei kơ ngă bruă, dôk tal 3 kơ klei duh bi liê, lehanăn dôk tal 4 kơ klei bi mnia mblei, lŏ mñă Việt Nam yap Japon jing ala čar hgŭm tal êlâo lehanăn kjăp.

Khua knŭk kna Phạm Minh Chính čang hmăng kơ khua bruă kƀĭn ala Nukaga Fukushiro lehanăn anôk bruă kƀĭn ala nah gŭ Japon bi hgŭm hĭn hlăm djăp mta hŏng bruă hgŭm Việt Nam – Japon tui si hdră êlan bi hgŭm mrâo kluôm ênŭm, mtrŭn agha kjăp hĭn klei bi mguôp bruă kƀĭn ala dua nah, lehanăn tiŏ nao klei bi mjĕ êrô phung khua bi ala bruă kƀĭn ala dua nah, hlăm anăn mâo phung bi ala mda asei lehanăn mniê, bi hgŭm dua nah. Lehanăn duh mĭn prŏng hĭn hlăm klei bi hgŭm bruă duh mkra, đru kơ Việt Nam đru kơ klei duh mkra êngiê, čŏng kpưn đĭ mơ̆ng pô./.