VOV4.Ẻđê - Tlam mbruê 27/5, Khua knŭk kna Phạm Minh Chính drông leh Patrick Gelsinger, Khua gĭt gai Êpul grup Intel ti Anôk bruă knŭk kna. Khua knŭk kna Phạm Minh Chính bi mbi kơ êpul grup Intel ƀrư̆ hrue eƀrư̆ đĭ kyar ktang leh anăn mđing dlăng, duh bi liê ti Việt Nam hlăm êbeh 15 thŭn êgao, ba knơ̆ng bruă mkŏ dăp leh anăn ksiêm dlăng mơ̆ng Intel ti Wăl tuh tia mkra mjing mrâo mrang ƀuôn mrang ƀuôn prŏng Hồ Chí Minh ngă bruă mơ̆ng thŭn 2010. Anei jing hdră bruă duh bi liê ba yua kdrăp mrâo prŏng hĭn mơ̆ng ala čar Mi ti Việt Nam, đru mguôp kơ bruă duh mkra krĭng ƀuôn prŏng leh anăn Việt Nam, mjing bruă mă kơ dŭm êbâo čô mnuih. Khua knŭk kna mtă kơ Intel lŏ dơ̆ng mđĭ ktang bruă duh bi liê hlăm Việt Nam hlăm wưng mrâo, klei tŭ dưn, klă sĭt hĭn, djŏ guôp hĭn hŏng hdră êlan Knŭk kna hlăm bruă iêô jak duh bi liê kdrăp mrâo mrang, kdrăp doh, đru hlăm hdră bi mlih mrô./.

H’ Zawut pô mblang