Ti anôk bi tuôm, khua knŭk kna Barbados - Mia Mottley, dua nah bi tŭ ư mđĭ hĭn klei bi mguôp dua nah, lehanăn mñă Barbados jing ala čar yuôm bhăn hlăm alŭ wăl Caribe, čang hmăng mơ̆ng Barbados anei, Việt Nam srăng mâo klei bi mguôp jăk hĭn hŏng alŭ wăl.

Khua knŭk kna Mia Mottley lač, srăng mjing kdrông mkŏ hŏng Việt Nam, lehanăn mâo klei bi mguôp hĭn hŏng dŭm ala čar hlăm Caribe.

Ti anôk bi tuôm dua nah hŏng khua knŭk kna New Zealand Chris Hipkins, khua knŭk kna Phạm Minh Chính lač Việt Nam dlăng yuôm lehanăn čang hmăng mâo klei bi mguôp kjăp hŏng New Zealand. 

Dua khua knŭk kna čang hmăng kơ phŭn bruă, dhar bruă mâo klei bi hgŭm hĭn hlăm dŭm bruă dua nah mâo klei găl, pŏk anôk bi mnia mblei dua nah, hlăm anăn mâo boh mnga bruă lŏ hma, lehanăn anăp truh mđĭ ênoh bi blei mnia dua nah truh ti ênoh 2 êklai USD hlăm thŭn 2024.