VOV4.Êđê - Leh knăm bi hdơr 45 thŭn hrue mdlưh knŭk kna măk ƀai Polpot, mơ̆ng khua knŭk kna Hunssen lehanăn Khua knŭk kna Phạm Minh Chính mâo leh klei bi blŭ hrăm ti sang hgŭm mbĭt Campuchia -–Việt Nam hlăm kdriêk Memot, čar Tbong Khmum ala čar Campuchia. Khua knŭk kna Hunssen hơ̆k mơak lehanăn mâo klei lač jăk kơ khua knŭk kna Phạm Minh Chính tŭ ư leh klei jak iêo nao ti anôk bi hdơr bruă yuôm bhăn mơ̆ng hƀuê ênuk hrue 20/6/2022, yap anei jing klei bi klă jăk klei bi mguôp mâo leh mơ̆ng đưm plah wah dua djuê ana Việt Nam – Campuchia. Dua čô khua knŭk kna mâo leh klei bi tŭ ư mđĭ hĭn kle ibi mjĕ êrô gưl dlông lehanăn ngă djăp bruă dôk hlăm hdră “Thŭn hgŭm mbĭt Việt Nam –Campuchia 2022” Hlăm anăn bi hdơr 55 thŭn hrue mkŏ mjing klei mjĕ mgiăm dua ala čar hrue 24/6/2022 ti ƀuôn prŏng phŭn Hà Nội, dua nah lŏ hyua kjăp hĭn klei hgŭm duh mkra, pral bi leh bruă čuăl mkă klei duh mkra kluôm Việt Nam –Campuchia truh kơ thŭn 2030"./.

Y-Khem pô mblang