Khua knŭk kna Phạm Minh Chính bi tuôm hŏng Khua mil čhil Algeria
Thứ năm, 10:46, 20/11/2025
Y-Khem Niê/ VOV Tây Nguyên
Y-Khem Niê/ VOV Tây Nguyên
VOV.Êđê- Hlăm klei nao čhưn kơ ala čar Algeria, tlam 19/11/2025, Khua knŭk kna Phạm Minh Chính bi tuôm leh hŏng khua mil čhil Algeria Abdelmadjid Tebboune.
Khua knŭk kna lač Việt Nam mpŭ nanao kơ klei bi hgŭm, mâo ksul mbŭ leh mơ̆ng ênuk krŭ kdơ̆ng bi blah sua mă klei êngiê, leh Việt Nam jing sa ala čar tŭ yap knŭk kna jing jai Algeria thŭn 1958. Khua knŭk kna Phạm Minh Chính mñă khădah tar rŏng lăn dôk mâo lu klei bi mlih, ƀiădah klei bi mguôp dua ala čar amâo mâo bi mlih ôh, kyuadah Việt Nam lehanăn Algeria ăt sa ai hlăm jih klei lông dlăng.
Hŏng dŭm hdră êlan bi hgŭm mâo mkŏ mjing, Khua knŭk kna čang hmăng Algeria sa ai hŏng bruă kƀĭn ala Algeria pral bi mklă dŭm klei bi hgŭm dua nah, mjing klei găl kơ bruă dưn yua dŭm bruă mă êa pui lehanăn mkra mjing êa pui, mơ̆ng phung duh mkra Việt Nam ti Algeria.
Viết bình luận