Dua čô khua gĭt gai mñă klă Việt Nam leh anăn Dhŭng Afrĭk jing mah jiăng, ƀĭng hgŭm, mâo klei găl bi đru hdơ̆ng pô hlăm klei đĭ kyar, boh nik jing klei bi mlih mtah, bi mlih mrô, pui kmlă doh leh anăn bruă tuh tia. Khua Knŭk kna Phạm Minh Chính mñă ktang Việt Nam srăng đru kơ klei bi mguôp Dhŭng - Dhŭng, mbĭt hŏng Dhŭng Afrĭk mđing tal êlâo kơ klei bi hrŏ ƀun, rơ̆ng mâo djăp mnơ̆ng ƀơ̆ng huă, đĭ kyar hơĭt kjăp.

Khua Mil Čhil Dhŭng Arĭk hmăng hmưi mđĭ klei mkŏ knơ̆ng bruă dua ala čar hlăm bruă mă mnơ̆ng gŭ lăn, mkra mjing, bruă lŏ hma leh anăn êdeh pui kmlă. Dua tĭng bi tŭ ư bi leh dŭm hră mơar čiăng mđĭ hnơ̆ng klei mjĕ jing ƀĭng hgŭm hdră êlan hlăm thŭn 2025, mđing truh kơ klei mjĕ giăm bi hmô plah wah dŭm ala čar hlăk đĭ kyar.