Khua knŭk kna Phạm Minh Chính hưn mthâo leh hŏng khua mil čhil Yoon Suk Yeol kơ dŭm boh tŭ dưn yuôm bhăn dua nah mâo leh hlăm klei bi trông dua khua knŭk kna. Khua knŭk kna Phạm Minh Chính mâo klei čang hmăng kơ dua nah ăt ngă nanao klei bi tuôm gưl dlông jêñ jêñ, lehanăn bi đru nanao klei bhiăn mă bruă hlăm dŭm bruă mjĕ mgiăm, bruă lĭng kahan, jih jang bruă jing djŏ guôp hŏng klei găl mơ̆ng dua nah, anăp truh kơ klei bi mguôp kluôm dhuôm kjăp hĭn.

Dua khua gĭt gai bi tŭ ư hyuă kjăp hĭn čiăng atăt bruă duh mkra mtrŭn agha êlam hĭn, ba wĭt boh tŭ dưn klă mngač, mơ̆ng anăn mđĭ ênoh ngăn prăk mâo bi mnia mblei dua nah truh kơ ênoh 100 êklai USD hlăm thŭn 2025 lehanăn anăp truh bi sĭt ênoh kčah jing 150 êklai USD hlăm thŭn 2030.