Khua knŭk kna Phạm Minh Chính bi tuôm hŏng Khua mil chil Indonesia
Thứ tư, 09:30, 10/05/2023
VOV TAYNGUYEN
VOV TAYNGUYEN
VOV4.Êđê- Tlam 9/5, Khua knŭk kna Pham Minh Chính mâo leh klei bi tuôm dua nah hŏng Khua mil čhil Indonesia Joko Widodo ƀri gưl nao hlăm Klei bi kƀĭn gưl dlông ASEAN tal 42 ti Labuan Bajo, Indonesia.
Hlăm klei bi tuôm, Khua knŭk kna Phạm Minh Chính bi mklă Việt Nam dlăng myuôm leh anăn čiăng mđĭ hĭn klei bi hgŭm yuôm bhăn hŏng Indonesia. Dua khua gĭt gai bi tŭ ư hĭn kơ klei bi hgŭm knhuah gru kjăp, mjing boh kdrŭt ba klei bi hgŭm hdră bruă Việt Nam - Indonesia đĭ kyar sa hnơ̆ng mrâo; klei bi hgŭm dua nah jing yuôm bhăn, amâo djŏ knŏng hŏng dua ala čar ôh ƀiădah lŏ đru mguôp kơ klei êđăp ênang, kjăp leh anăn mđĭ kyar.
Khua knŭk kna Phạm Minh Chính bi mklă Việt Nam srăng lŏ dơ̆ng bi hgŭm leh anăn nao ai hŏng Indonesia rơ̆ng bi leh bruă klam Khua gĭt gai ASEAN 2023, đru mđĭ klei bi hgŭm, bi tŭ ư, ai tiê čŏng ngă leh anăn bruă klam phŭn mơ̆ng ASEAN./.
Viết bình luận