Khua knŭk kna Phạm Minh Chính mñă, gưl nao čhưn ti Australia mŏng Êpul bi ala gưl dlông Việt Nam mâo boh tŭ yuôm bhăn, bi êdah klei čang hmăng mbĭt hŏng Australia bi kjăp hĭn klei bi mjĕ dua ala čar, mđĭ klei bi hgŭm bruă plah wah Anôk bruă kƀĭn ala Việt Nam lehanăn Nghị viện Australia, đru pŏk klei čang hmăng hgŭm bruă hlăm wưng ti anăp. Dua khua kiă kriê tŭ ư hyuă kjăp klei bi mjĕ mjuk mnuih ƀuôn sang, bi hgŭm mdrơ̆ng hŏng klei bi mlih yan adiê, pŏk êlan phiơr kpă čiăng pŏk mlar hĭn hdră mjuăt bi hriăm, hiu čhưn ênguê. Ƀri gưl anei, Khua knŭk kna Phạm Minh Chính čang hmăng Nghị viện Australia lŏ mjing klei găl kơ êpul êya mnuih Việt Nam đru mguôp kơ hdră mđĭ kyar mơ̆ng Australia lehanăn klei bi mjĕ dua ala čar.

Ăt hlăm hdră nao čhưn ti Australia, Khua knŭk kna Phạm Minh Chính drông leh Khua kiă kriê Đảng êngiê Australia, Peter Dutton. Ti knăm anei, dua khua kiă kriê tŭ ư mđĭ hdră bi trông hluê êpul lehanăn bi trông gưl dlông, mtrŭt mđĭ hdră bi mjĕ dua Đảng lehanăn mnuih ƀuôn sang, mjing klei găl kơ êpul phung khua êmua dua ala čar mkŏ mjing hdră dhar kreh, mjuăt ktang asei mlei, đru kơ mnuih knap mñai./.