Ti anôk bi tuôm anăn, Khua knŭk kna Phạm Minh Chính brei thâo, hlăm klei hiu čhưn anei, dua ala čar srăng mđĭ hĭn klei bi mguôp dua nah; ară anei, Kuwait hlăk duh bi liê mkra sang kar mkra êa pui Nghi Sơn hŏng ênoh bi liê jih jang truh 9 êklai USD lehanăn ƀuăn srăng mkăp djăp êa pui ka mkra mjing djăp nanao kơ sang mkra mjing.

Bruă anăn mâo bi êran leh mơ̆ng hlăk thŭn 2018 jing leh sa hlăm dŭm klei duh bi liê prŏng mơ̆ng ala tač êngao ti Việt Nam, grăp thŭn mâo mkăp leh mơ̆ng 5-7 êklăk tôn êa săng lehanăn êa pui yua hlăm ala čar, đru bi hơĭt êa săng êa pui hlăm lăn čar Việt Nam, đru mkăp êa săng êa pui pioh yua kơ dŭm bruă mkăn. Djŏ tuôm hŏng bruă bi tuôm hŏng mnuih Việt Nam dôk hdĭp ti ala tač êngao, Khua knŭk kna mâo nanao klei hơêč hmưi kơ mnuih ƀuôn sang mâo nanao klei suaih pral, klei jăk yâo, thâo bi mguôp, thâo bi đru hdơ̆ng găp, lehanăn wir nanao kơ ƀuôn sang pô./.