Hlăm klei bi tuôm, dua khua gĭt gai bi tŭ ư mđĭ klei bi trông gưl dlông, mjing tur knơ̆ng pŏk ngă Hdră ngă bruă pŏk klei bi hgŭm kluôm Việt Nam - Brunei wưng 2023-2027.

Dua tĭng ăt bi tŭ ư srăng mđĭ klei đĭ kyar mnia blei hlue si hdră lu jơr leh anăn bi knar mơ̆ng klei bi hgŭm hlăm dŭm bruă mâo klei găl hŏng 4 boh phŭn jing bi hgŭm êa pui êwa čuh, êa drao, mnơ̆ng dhơ̆ng Halal leh anăn hiu čhưn ênguê, mjĕ êrô mnuih ƀuôn sang. Dua rĭng ƀuôn rơ̆ng srăng mđĭ lar kčĕ kjăp, hrăm mbĭt mkŏ mjing êpul êya ASEAN bi hgŭm, čŏng ngă leh anăn đĭ kyar kjăp./.