VOV4.Êđê- Aguah mbrue (7/3), Khua knŭk kna Phạm Minh Chính bi tuôm leh hŏng phung khua kiă kriê, phung kreh knhâo mniê, ƀri hrue phung mniê tar rŏng lăn (8/3). Ti anôk bi tuôm, Khua knŭk kna Phạm Minh Chính bi ala kơ phung khua kiă kriê Đảng, knŭk kna mâo asăp hơêč hmưi jăk siam hĭn kơ phung khua kiă kriê, phung kreh knhâo mniê hlăm kluôm ala ƀri hrue 8/3. Khua knŭk kna mâo klei bi mni hdơr knga kơ jih bruă phung nai aê mdrao mniê dôk mdrơ̆ng hŏng klei ruă tưp Covid 19, lehanăn mbĭt hŏng lu phung amai adei mnuih ngă bruă mkăn. Khua knŭk kna mñă čiăng lŏ dơ̆ng mđĭ hĭn jih jang bruă mniê djăp gưl mđĭ klei thâo, hgŭm ngă lu mta bruă hĭn, boh nik hlăm bruă kđi čar, bruă yang ƀuôn, čiăng kơ phung amai adei đru mguôp tŭ jing hlăm klei mlih mrâo, ñŭ kma, lehanăn mđĭ kyar lăn čar./.

Pô mblang: Y-Khem Niê