Anei jing sa êpul grŭp bruă hâo hưn mrô sa ti India, hŏng ênoh ngăn prăk mâo hlăm brô 70 êklai USD, mâo êbeh 320.000 čô mnuih ngă bruă lehanăn mâo ba wĭt ngăn prăk thŭn 2023 êbeh 18 êklai USD. Khua knŭk kna Phạm Minh Chính bi mni kơ bruă ngă klei dưi, lehanăn k’hưm mơ̆ng êpul grŭp Infosys, hlăm anăn mâo bruă klam mơ̆ng Narayana Murthy hlăm bruă hâo hưn ênuk mrâo, klei kơ phần mềm ti India, lehanăn tar rŏng lăn ară anei.

Khua knŭk kna Phạm Minh Chính bi mni kơ klei trông čhai mâo leh klei tŭ dưn mơ̆ng Narayana Murthy hŏng dŭm boh  knơ̆ng bruă, phung thơ̆ng kơ bruă lehanăn phung hriăm lu Việt Nam. Hŏng atur jing mđĭ klei bi mguôp jăk siam hŏng India, Việt Nam hơ̆k mơak mprăp djăp klei găl čiăng mâo klei bi mguôp hŏng dŭm êpul grŭp prŏng ti India duh bi liê kjăp hŏng Việt Nam hlăm klei duh mkra mrô, bruă hâo hưn, mkra mjing phần mềm, klei knhêč anak mnuih, lehanăn bán dẫn.