Khua knŭk kna Phạm Minh Chính bi tuôm leh hŏng phung bi ala kơ mnuih ƀuôn sang ti ƀuôn prŏng Cần Thơ leh klei bi kƀĭn tal 7, bruă kƀĭn ala gưl 15
Thứ hai, 10:19, 15/07/2024
VOV TAYNGUYEN
VOV TAYNGUYEN
VOV4.Êđê- Hrue mbrue 14/7, Khua knŭk kna Phạm Minh Chính bi mtuôm hŏng phung bi ala kơ mnuih ƀuôn sang, leh klei bi kƀĭn tal 7, Bruă kƀĭn ala gưl 15, hŏng êbeh 200 čô phung bi ala ti kdriêk čar Thốt Nốt, phung khua kiă kriê dŭm klei đăo hlăm kdriêk čar Thốt Nốt, ƀuôn prŏng Cần Thơ
Ti anôk bi tuôm, Êpul khua bi ala bruă kƀĭn ala mâo leh klei hưn mdah boh tŭ dưn klei bi kƀĭn tal 7, Bruă kƀĭn ala gưl 15, lehanăn dŭm mta bruă mơ̆ng êpul ngă ti ƀuôn prŏng anei tui si klei bi kƀĭn tal 7, lehanăn tŭ mă lu klei blŭ mơ̆ng mnuih ƀuôn sang, ba mtruh hŏng êpul bruă mâo klei dưi.
Ti anôk bi tuôm, Khua knŭk kna Phạm Minh Chính hưn mthâo leh hŏng mnuih ƀuôn sang kơ bruă duh mkra ala ƀuôn, dŭm bruă čuăn, hdră phŭn hlăm wưng tinăp. Mbĭt hŏng anăn Khua knŭk kna ktrâo brei hdră êlan mđĭ kyar ƀuôn prŏng Cần Thơ wưng tină\p, lehanăn wĭt lač jih jang klei mnuih ƀuôn sang êmuh./.
Viết bình luận