VOV4.Êđê - Tlam mbruê, Khua knŭk kna Phạm Minh Chính mâo leh klei blŭ hrăm êlan đĭng blŭ hŏng Khua knŭk kna Italia Mario Draghi. 2 čô khua gĭt gai bi tŭ ư mđĭ hĭn klei mjĕ êrô dŭm gưl, boh nik jing gưl dlông leh anăn lŏ dơ̆ng bi lar boh tŭ mơ̆ng hdră ngă bruă hlăm klei bi mguôp hdră êlan wưng thŭn 2021 -2023.

2 tĭng hơ̆k mơak kyua ƀuh leh giăm 2 thŭn hluê ngă klei kuôl kă mnia mblei êngiê Việt Nam EU (EVFTA), klei mnia mblei 2 tĭng mâo lu boh tŭ jăk. Hlăm thŭn 2021, hnơ̆ng klei mnia mblei 2 tĭng mâo 5,6 êklai USD, đĭ 20% mkă hŏng thŭn 2020. Khua knŭk kna Phạm Minh Chính mñă kơ Italia hnưm bi klă klei kuôl kă rơ̆ng klei duh bi liê Việt Nam - EU (EVFTA), hnưm tŭ yap hră leh tlŏ mgang vaccine leh anăn mkŏ mjing klei găl kơ mnơ̆ng dhơ̆ng Việt Nam dưi truh hlăm anôk mnia mblei, boh nik jing dŭm mta boh mnga bruă lŏ hma, mnơ̆ng ƀơ̆ng huă, boh kroh grăp yan msĕ si: boh soai, guga, boh vải.

Y-Ƀel pô mblang