VOV4.Êđê- Tlam hruê 23/5, Khua Knŭk kna Phạm Minh Chính nao hlăm klei bi kƀĭn online mphŭn pŏk klei bi trông kơ Jar bruă duh mkra India - Pacific kyua klei mdrŏng sah (dưi mkŏ mjing ti Tokyo - Japon). Blŭ hrăm hlăm klei bi trông anei, Khua Knŭk kna Phạm Minh Chính mñă klă klei čiăng êdi brei mkra mlih gru hmô đĭ kyar, bi hgŭm bruă duh mkra hlue hdră hơĭt kjăp hĭn, mđĭ lar jih hnơ̆ng klei găl, bi mguôp hŏng bruă ba yua klei đru nah êngao; mđĭ klei mĭn lu tĭng leh anăn mđĭ klei bi hgŭm lu ala čar hlăm tur knơ̆ng mơ̆ng klei kpă ênô, đaŏ knang leh anăn đua klam.

Khua knŭk kna bi mklă Việt Nam kjăp hlăm hdră êlan leh anăn dôk mđĭ ktang mkŏ mjing bruă duh mkraêngiê, čŏng ngă, gĭr ñŭ kma hŏng ala tač êngao êlam hĭn, klă sĭt hĭn, tŭ dưn hĭn. Việt Nam ăt mâo lu klei mĭn mbruă bi hgŭm bruă duh mkra lu ala čar, gĭr đru mguôp mâo klei đua klam hlăm klei gĭr ktưn mbĭt mđĭ ktang kơrŭ wĭt bruă duh mkra leh anăn mđĭ kyar hơĭt khăp ti krĭng wăl leh anăn dlông rŏng lăn./.

                                               Pô mblang: H’Zawut Ƀuôn Yă