VOV4.Êđê- Ƀri nao ti Klei bi kƀĭn gưl dlông ASEAN - Mi, nao čhưn lehanăn mă bruă ti Mi lehanăn Êpul hgŭm lu ala čar, ti ƀuôn prŏng phŭn Washington, D.C, Khua knŭk kna Phạm Minh Chính nao čhưn lehanăn mâo klei blŭ hrăm yuôm bhăn kơ hdră mtrŭn ti Anôk bruă ksiêm dlăng hdră êlan lehanăn quốc tế Mi. Hlăm klei blŭ hrăm, Khua knŭk kna bi mklă, klei đăo knang lehanăn sa ai mâo bruă klam yuôm bhăn kñăm msir mghaih dŭm bruă dôk bluh mâo hlăm tar rŏng lăn ară anei. Khua knŭk kna mñă klă, jing sa ala čar mâo bruă klam hlăm ASEAN lehanăn êpul êya tar rŏng lăn, Việt Nam gĭr đru mguôp nanao hlăm klei bi blŭ hrăm lehanăn hgŭm bruă, mprăp đru mguôp jih ai dưi, klei mâo djŏ guôp hŏng k’hưm mơ̆ng pô. Việt Nam čang hmăng mđĭ hĭn klei bi mjĕ hgŭm bruă hŏng Mi, mbĭt anăn lŏ dơ̆ng bi kjăp klei đăo knang, mđĭ klei đua klam mơ̆ng dua tĭng, kyua klei tŭ dưn mbĭt mơ̆ng mnuih ƀuôn sang dua ala čar, kyua klei êđăp ênang, hgŭm bruă lehanăn đĭ kyar mơ̆ng krĭng lehanăn tar rŏng lăn./.

                                                    Pô mblang: H’Nêč Êñuôl