Klei blŭ hrăm mơ̆ng Khua knŭk kna mâo akŏ: Mđĭ hĭn klei mjĕ giăm bi hgŭm kluôm dhuôm Việt Nam – India kyua klei êđăp ênang leh anăn đĭ kyar krĭng Ksĭ India – Asi – Pacific leh anăn tar rŏng lăn. Khua knŭk kna kah mbha leh 3 mta phŭn jing boh sĭt tar rŏng lăn leh anăn alŭ wăl, hdră êlan, boh tŭ dưn leh anăn hdră hdră đĭ kyar mơ̆ng Việt Nam, tă hdră kơ klei bi hgŭm kluôm dhuôm Việt Nam – India hlăm wưng kơ anăp.

Hluê si Khua knŭk kna, mơ̆ng dŭm boh klei mâo knhuah tar rŏng lăn ară anei, čiăng mâo klei mĭn kluôm, čiăng kơ jih jang dŭm lăn čar bi blŭ hrăm, bi hgŭm mguôp. Hlăm anăn klei bi mguôp leh anăn hgŭm Việt Nam – India čiăng amâo mâo mdei dưi bi kjăp leh anăn mđĭ kyar. Mmăt mbruê 1/8, êdeh phiơr mdiăng Khua knŭk kna Phạm Minh Chính đuĕ leh mơ̆ng ƀuôn prŏng phŭn New Delhi bi ruê̆ jăk siam gưl nao čuă ala čar India.