VOV4.Êđê - Aguah mbrue 15/5, hlue si mmông alŭ wăl, ti ƀuôn prŏng New York, ala čar Mi, khua knŭk kna Phạm Minh Chính drông čhưn leh hŏng Charles Kaye, Knơ̆ng khua kiă kriê Êpul Grŭp Warburg Pincus - jing sa hlăm dŭm keh duh bi liê êngao knŭk kna sui hĭn lehanăn prŏng hĭn hlăm tar rŏng lăn.

Ti anôk čhưn, Knơ̆ng khua kiă kriê Êpul Grŭp bi klă kơ bruă kluôm, kơ anôk duh mkra mnia mblei kluôm knư̆ hrue knư̆ h’ĭt ti Việt Nam, jing găl ênưih kơ phung duh bi liê mơ̆ng ala tač êngao. Khua knŭk kna akâo kơ Êpul Grŭp ksiêm duah lŏ dơ̆ng pŏk bruă duh bi liê ti Việt Nam lehanăn hŏng klei jing prŏng dlông rŏng lăn srăng mjing kdrông kơ phung duh mkra Mi lehanăn ala tač êngao duh bi liê ti Việt Nam. Khua knŭk kna mtă dua nah mđĭ hĭn klei hgŭm leh mâo mơ̆ng lu thŭn êgao, ngă djăp bruă bi hrŏ klei ngă hră mơar, nao hlăm dŭm boh phŭn, mâo klei tŭ dưn hĭn, lar bra jăk hĭn./.

Y-Khem pô mblang