VOV4.Êđê- Tlam hruê 1/7, hlăm hdră mă bruă ti Dak Lak, Khua knŭk kna Phạm Minh Chính nao čhưn, mđĭ ai phung knuă druh, lĭng kahan Knơ̆ng gĭt gai lĭng kahan čar Dak Lak lehanăn Kahan ksiêm čar Dak Lak. Blŭ ti knăm anei, Khua knŭk kna mtă kơ Knơ̆ng gĭt gai lĭng kahan čar Dak Lak hluê ngă kjăp klei bhiăn gĭt gai mơ̆ng Đảng, klei kriê dlăng mơ̆ng Knŭk kna, krơ̆ng kjăp klei bi mjĕ hŏng mnuih ƀuôn sang.

Mbĭt anăn, brei thâo klă klei mâo čiăng đru kčĕ kơ Anôk bruă Đảng dŭm gưl, bruă sang čư̆ êa, amâo kdjăt kƀla hŏng dŭm klei tăm mâo, mprăp ai kdơ̆ng mblah, răng mgang kjăp klei hnŭk êngiê, klei kiă kriê kluôm dhuôm krĭng lăn, klei tŭ dưn ala čar, djuê ana, mprăp nao ti djăp anôk, bi leh jih bruă klam mâo Đảng lehanăn Knŭk kna kčah jao. Khua knŭk kna mtă kơ dŭm gưl bruă Đảng, bruă sang čư̆ êa lŏ dơ̆ng mđing dlăng, mjing klei găl kơ Êpul kahan yang ƀuôn, kahan ksiêm yang ƀuôn dŭm gưl hluê ngă jih bruă klam mâo kčah jao./.

                                                    Pô mblang: H’Nêč Êñuôl