Khua knŭk kna Phạm Minh Chính bi myuôm klei gĭr mđĭ kyar kluôm ênŭm klei bi mguôp dua nah. Khua knŭk kna hơêč hmưi kơ Cuba mkŏ mjing leh klei ruah khua tŭ jing. Việt Nam srăng đru Cuba găn klei dleh dlan, sa ai mbĭt hlăm djăp mta bruă, lŏ dơ̆ng kơ Cuba ya mta klei jing jăk hĭn tui si pô dưoi boh nik hlăm bruă lŏ hma, pla mjing bi mâo djăp mnơ̆ng ƀơ̆ng huă, bruă rông hdang kan...

Khua knŭk kna čang hmăng kơ dua nah lŏ mâo klei bi blŭ hrăm mđĭ hĭn klei bi hgŭm prŏng, bi trông hdră êlan mă bruă plah wah dua Đảng, lehanăn bi hgŭm knŭk kna kơ jih bruă duh mkra, bruă kreh knhâo, bruă bi đru hlăm lĭng kahan, lehanăn răng mgang klei êđăp ênang./.