Hlăm mmông tŭ drông, Khua knŭk kna Phạm Minh Chính mñă klă, Việt Nam dlăng yuôm bhăn leh anăn hdơr knga kơ klei sa ai, klei đru mơ̆ng Cuba hlăm bruă krŭ kdơ̆ng sua wĭt klei êngiê djuê ana leh anăn mkŏ mjing ala čar Việt Nam.

Bi êdah dŭm klei dleh dlan Cuba dôk găn, Khua knŭk kna mñă klă, Việt Nam mprăp kah mbha dŭm klei hriăm hlăm bruă mlih mrâo ti Việt Nam, hlăm anăn mâo hdră mkŏ mjing leh anăn bi kluôm klei bhiăn ala čar, mlih mrâo hdră bhiăn, mñă kơ 2 tĭng mtrŭt mđĭ klei bi mguôp klă klơ̆ng, tŭ dưn hlăm bruă anei, boh nik jing mtô mjuăt mnuih mă bruă, mtrŭt mđĭ klei mlih mrô…Ƀri wưng anei, Khua knŭk kna mñă kơ Cuba lŏ dơ̆ng uêñ mĭn, mkŏ mjing klei găl kơ êpul êya mnuih Việt Nam ti Cuba. Khua phŭn bruă hdră bhiăn Cuba hmăng hmưi Việt Nam lŏ dơ̆ng đru kơ Cuba hlăm dŭm mta bruă, hlăm anăn mâo bruă čih mkra klei bhiăn leh anăn hdră bhiăn.