VOV4.Êđê- Tlam mbrue (6/7), ti anôk bruă knŭk kna, khua knŭk kna Phạm Minh Chính mâo leh mmông bi blŭ hrăm hŏng khua phŭn bruă hŏng tač êngao Russia Sergei Lavorov. Ti anôk drông čhưn, Khua knŭk kna bi myuôm boh tŭ dưn kei hgŭm jăk dua nah dưi mâo leh hlăm wưng êgao. Khua knŭk kna bi klă knŭk kna Việt Nam dlăng yuôm klei bi mguôp kluôm dhuôm hŏng Russia, čăng hmăng mâo mtrŭn agha êlam hĭn klei hgŭm dua nah hlăm djăp mta bruă hlăm klei klă mngač lehanăn bi đăp knang hdơ̆ng găp. Dua nah bi tŭ ư, mđĭ hĭn klei bi mjĕ êrô gưl dlông dua ala čar, mñă bruă hgŭm mâo leh mơ̆ng đưm năng lŏ hyuă kjăp lehanăn mđĭ bi lar hĭn./.

Pô mblang: Y-Khem Niê