Hlăm mmông tŭ drông, Khua phŭn bruă kiă kriê bruă knuă mñă klă, Việt Nam jing klei mđing tal êlâo hlăm hdră êlan hŏng tač êngao mơ̆ng Russia, hmăng hmưi lŏ dơ̆ng bi êlam, klă klơ̆ng, tŭ dưn hĭn klei mjĕ giăm ƀĭng hgŭm bi mguôp hdră êlan kluôm dhuôm Russia – Việt Nam, boh nik hlăm dŭm mta bruă kđi čar, bruă duh mkra, mnia mblei, mjĕ êrô mnuih ƀuôn sang, bruă hiu čhưn ênguê, kah mbha klei hriăm, mtô mjuăt mnuih mă bruă.

Khua knŭk kna mñă kơ Russia bi mguôp hŏng Việt Nam mtrŭt mđĭ hĭn dŭm mta bruă mnia mblei, duh bi liê, mgaih msir klei toh hroh bruă mnia mblei plah wah dua tĭng, ngă bruă mkăp visa điện tử kơ mnuih ƀuôn sang Việt Nam, mgaih msir dŭm boh klei hdră bhiăn, mkŏ mjing klei găl kơ mnuih ƀuôn sang Việt Nam hdĭp mda, mă bruă, hluê hriăm ti Russia.