Ti anôk bi tuôm phung thâo lu mnuih China lŏ bi hdơr dŭm klei amâo mâo dưi wơr ôh hŏng khua gĭt gai Hồ Chí Minh, hŏng lăn ala, anak mnuih Việt Nam. Aduôn Trần Tri Tiến, anak mniê Tướng Trần Canh lač, klei bi mguôp dua ala čar mâo leh mơ̆ng đưm, mgei ai tiê hĭn hŏng klei Tướng Trần Canh bi hdơr kơ klei mă bruă hŏng Việt Nam, hŏng awa Hồ.

Ama ñu mâo leh gưl dlông Đảng Cộng sản China tiŏ nao đru Việt Nam lehanăn awa Hồ jing mnuih năng mpŭ êdi, lŏ bi hdơr jih jang thŭn mlan bi tuôm hŏng awa Hô jing dŭm hrue siam hĭn êdi mơ̆ng ama ñu. Ñu čang hmăng klei bi hgŭm jăk siam dua ala čar srăng lŏ ksul mbŭ hĭn, lehanăn mâo klei kjăp nanao. Bi ala kơ Đảng, knŭk kna, khua knŭk kna mơĭt asăp čua êmuh klei suaih pral, klei jăk yâo lŏ dơ̆ng bi rŭ mjing, ksul mbŭ klei bi mguôp Việt Nam-China./.