Khua knŭk kna yap yuôm bhăn boh tŭ dưn klei bi mguôp plah wah čar Aichi, Tochigi, Niigata, Kanagawa leh anăn Yamanashi hŏng dŭm Phŭn, dhar bruă, alŭ wăl ti Việt Nam, ăt msĕ mơh hŏng klei khăp, klei uêñ mĭn leh anăn sa ai mơ̆ng phung khua kiă kriê bruă sang čư êa dŭm čar hlăm bruă mtrŭt mđĭ klei bi mguôp hŏng Việt Nam hlăm wưng êgao, mñă kơ phung khua gĭt gai dŭm alŭ wăl mơ̆ng Japon mtrŭt mđĭ klei bi mguôp hŏng dŭm čar Thái Bình, Khánh Hoà, Hải Dương, Cần Thơ…hrăm mbĭt nao hgŭm hlăm êpul ngă bruă mơ̆ng knŭk kna tal anei.

Khua knŭk kna mñă kơ phung khua kiă kriê mđĭ hĭn klei bi mguôp hŏng Việt Nam kñăm ba yua tŭ dưn klei găl mâo hŏng bruă mtrŭt mđĭ klei mjĕ mjuk, bi trông êpul gưl dlông, mtrŭt mđĭ klei duh bi liê, mtô mjuăt mnuih mă bruă, mtô bi hriăm hŏng dŭm alŭ wăl ti Việt Nam.