VOV4.Êđê- Tlam mbruê, 8/3, Khua knŭk kna Phạm Minh Chính drông leh êpul knơ̆ng bruă êpul hgŭm bruă mnia mblei Mi – ASEAN (USABC). Hlăm mông tŭ drông, Khua knŭk kna Phạm Minh Chính brei thâo, Việt Nam dlăng dlăng yuôm bhăn leh anăn hmăng hmưi lŏ bi êlam hĭn, mđĭ kyar hĭn klei bi mguôp kluôm ênŭm Việt Nam – Mi mđĭ jing hnơ̆ng mrâo leh anăn mâo boh tŭ dưn hĭn, hlăm anăn mâo klei bi mguôp bruă duh mkra – mnia mblei – duh bi liê jing kmeh gơ̆ng, boh kdrŭt hlăm klei mjĕ giăm 2 ala čar. Dŭm knơ̆ng bruă yap yuôm bhăn dŭm hdră êlan đru kơ dŭm knơ̆ng bruă hlăm wưng dleh dlan kyua klei ruă tưp Covid-19, bi êdah klei mơak ti anăp dŭm boh tŭ hlăm bruă gang mkhư̆ klei ruă tưp hŏng hnơ̆ng tlŏ mgang lu tal êlâo dlông rŏng lăn leh anăn bruă djŏ guôp êđăp ênang, hŏng klei mbruă, ksiêm dlăng tŭ dưn klei ruă tưp mơ̆ng Việt Nam. Dŭm knơ̆ng bruă mâo dŭm klei hưn mdah, bi klă klei hmăng hmưi mđĭ hĭn klei bi mguôp, klei mnia mblei ti Việt Nam, boh nik hlăm dŭm mta bruă msĕ si: pui kmlă doh, bi hrŏ hnơ̆ng carbon, mlih mrô, đru mguôp ba bruă duh mkra mrô Việt Nam đĭ kyar mơ̆ng 21 êklai USD thŭn 2021 jing 57 êklai USD ti thŭn 2025.

         Pô mblang: Y-Khem Niê