Hâo hưn kơ Khua kiă kriê ASEAN BAC dŭm ala čar kơ klei luič liê kyua angĭn êbŭ mrô 3 ngă hlăm dŭm hruê êgao ti dŭm čar nah Dưr Việt Nam, Khua knŭk kna Phạm Minh Chính bi mni lehanăn lač jăk kơ Khua ASEAN BAC dŭm ala čar đru leh kơ Việt Nam msir mghaih klei truh.

Khua knŭk kna hơêč hmưi leh klei tŭ jing mơ̆ng Klei bi kƀĭn ASEAN BAC tal 101 mrâo mkŏ mjing ti Hà Nội lehanăn ba mdah dŭm mta klei hlăm hră hưn mdah hdră bruă mơ̆ng ASEAN BAC thŭn 2024; čang hmăng bruă phŭn mâo Êpul hgŭm dôk pŏk ngă srăng đru mtrŭt mđĭ hdră mlih mrâo kluôm, bi leh klei bhiăn, hdră mtrŭn, bi jăk găl hdră mnia mblei, duh bi liê, bi mlih mrô, mđĭ kyar hơĭt kjăp lehanăn kluôm mơ̆ng ASEAN, boh nik jing boh kdrŭt đĭ kyar mrâo… Mơ̆ng anăn, đru kơ anôk bruă duh mkra msir mghaih klei dleh dlan lehanăn ba yua jih klei găl mâo čiăng mđĭ kyar./.