Tlam 24/5, ti Anôk bruă Knŭk kna, Khua knŭk kna Phạm Minh Chính drông Karan Adani,  Khua Knơ̆ng bruă kdrŭn ksĭ leh anăn wăl duh mkra, hlăm êpul grup Adani - sa hlăm dŭm êpul grup duh mkra prŏng hĭn ti India, dôk ksiêm hriăm, ktuê dlăng thiăm dŭm klei găl bi liê ti Việt Nam. Khua knŭk kna Phạm Minh Chính bi mni kơ Karan Adani hriê čhưn ti Việt Nam; bi mklă Việt Nam dlăng myuôm klei bi hgŭm knhuah gru leh anăn bi hgŭm hŏng India;  mơak ti anăp klei bi hgŭm kluôm plah wah dua ala čar dôk đĭ kyar jăk hlăm dŭm mta bruă.

Khua knŭk kna lač, bi mlih mrô, mkŏ mjing brua duh mkra, ala ƀuôn mrô jing klei găl mơ̆ng dlông rŏng lăn, Việt Nam dôk hlăm klei anăn leh anăn čang hmăng Adani pŏk mlar klei bi liê hlăm bruă anei. Khua knŭk kna bi mklă Việt Nam srăng mjing klei găl čiăng kơ Êpul grup Adani lŏ dơ̆ng ksiêm dlăng dŭm hdră bruă bi liê mkăn ti Việt Nam, mtrŭt mjhar thiăm phung duh bi liê India ti Việt Nam./.