VOV4.Êđê - Tlam hruê 2/8, Khua knŭk kna Phạm Minh Chính drông Khua bi ala Ăngle Gareth Ward nao kkuh ƀri gưl mjưh ruê̆ wưng ngă bruă ti Việt Nam. Hlăm mmông drông, Khua knŭk kna Phạm Minh Chính bi mni kơ klei đru mguôp jăk mơ̆ng Khua bi ala hlăm wưng êgao đru ba klei bi hgŭm hdră bruă Việt Nam- Ăngle đĭ kyar tŭ dưn. Hlăm klei bi tuôm dua tĭng bi trông kơ bruă lu ala čar leh anăn krĭng wăl mđing. Khua bi ala Ăngle bi êdah klei nao ai hŏng klei mĭn mơ̆ng ASEAN leh anăn Việt Nam kơ klei rơ̆ng êđăp ênang, êngiê hlăm êlan phiơr, êa ksĭ leh anăn msir mgaih klei bi mmiă hlăm Ea ksĭ Ngŏ hŏng hdră êđăp ênang mơ̆ng tur knơ̆ng Hdră bhiăn, boh nik Hdră bhiăn phŭn Êpul hgŭm lu ala čar leh anăn Klei kuôl kă lu ala čar kơ Hdră bhiăn êa ksĭ thŭn 1982.

H’ Zawut  pô mblang