VOV4.Êđê - Tlam 7/10, Khua knŭk kna Phạm Minh Chính drông Park Noh Wan, Khua bi ala Dhŭng Korea ti Việt Nam nao kkuh leh wưng mă bruă ƀri gưl mjưh ruê̆ wưng mă bruă ti Việt Nam.

Khua knŭk kna bi mni kơ bruă Khua bi ala mâo leh klei đru mguôp yuôm bhăn hlăm bruă mđĭ klei bi hgŭm plah wah dŭm alŭ wăl Việt Nam hŏng dŭm anôk bruă duh mkra, alŭ wăl mơ̆ng Dhŭng Korea; bi hgŭm mkŏ mjing tŭ jing dŭm klei bi blŭ hrăm plah wah Khua knŭk kna hŏng êpul êya bruă duh mkra Dhŭng Korea kñăm msir mgaih klei dleh dlan gun kpăk, đru hnưm bi leh hdră kñăm prăk hrui wĭt dua nah mâo 100 êklai USD hlăm thŭn 2023 leh anăn 150 êklai hlăm thŭn 2030. Khua knŭk kna Phạm Minh Chính bi mklă Việt Nam dlăng myuôm klei bi hgŭm dua nah hŏng Dhŭng Korea leh anăn čang hmăng mđĭ klei bi hgŭm leh anăn klă sĭt hĭn jing klei bi hgŭm dua ala čar.

VOVTâyNguyên/Pô mblang: H’Zawut Byă