Khua knŭk kna mñă hdă êlan sa anăn mơ̆ng Việt Nam hlăm klei bi kjăp lehanăn mđĭ kyar klei bi mguôp kjăp Việt Nam – Cu-ba; čang hmăng mbĭt hŏng Đảng, lăn čar, knŭk kna lehanăn mnuih ƀuôn sang Cu-ba bi ksul mbŭ kriê pioh klei thâo bi mguôp dŭm gưl phung khua kiă kriê, hlăm anăn mâo khua gĭt gai Đảng Nguyễn Phú Trọng tuôm ngă leh. Khua knŭk kna mñă, knŭk kna Việt Nam srăng bi mguôp, lehanhăn sa ai mbĭt hŏng knŭk kna lehanăn mnuih ƀuôn sang Cu-ba, lŏ dơ̆ng mđĭ hĭn klei bi hgŭm, bi đru hlăm klei hgŭm mbĭt kluôm dhuôm, tŭ jing hŏng Cu-ba, boh nik hlăm klei duh mkra mnia mblei, bruă lŏ hma, bruă pui kmlă doh, lehanăn bruă êa drao gŭn./.