Drông Khamphao Ernthavanh, Khua bi ala knŭk kna Lào ti Việt Nam, Khua knŭk kna Phạm Minh Chính mñă Việt Nam lehanăn Lào mâo leh klei bi mguôp jăk mơ̆ng đưm, jing ngăn dưn yuôm bhăn mơ̆ng mnuih ƀuôn sang dua ala čar năng bi kriê pioh lehanăn lŏ ksul mbŭ. Khua knŭk kna čang hmăng dua ala čar lŏ mâo klei hyuă kjăp hĭn, mghaih msir djăp kmta klei dleh kpăk kơ bruă duh mkra mnia mblei ară anei.

Ăt tlam mbrue 19/3, Khua knŭk kna Phạm Minh Chính drông čhưn leh khua bi ala knŭk kna Dhŭng Korea ti Việt Nam. Khua knŭk kna čang hmăng dua nah lŏ mđĭ hĭn klei bi hgŭm duh mkra mnia mblei mâo klei đĭ kyar anăp truh kơ klei bi kna, mâo klei kjăp mtrŭt phung duh mkra Dhŭng Korea lŏ pŏk phai klei duh bi liê, boh nik ya mta bruă Dhŭng Korea mâo klei găl msĕ si bruă dhar kreh, bruă pơ̆ng mkra kŭmpăn, bruă elektronik, lehanăn dŭm bruă hlăk đĭ mkăn./.